काठमाडौं । काठमाडाैं उपत्यकामा स्थानीय तहबाट हुने काम एक साता बन्द हुने भएकाे छ । उपत्यका नगरपालिका फाेरमले स्थानीय तह र वडा कार्यालयले दिने सेवा भदौ १५ गतेसम्मका लागि बन्द गर्ने निर्णय गरेको छ । तर अत्यावश्यक सेवा बन्द नगर्ने फाेरमले जनाएकाे छ ।

उपत्याकामा कोरोना भाइरसको महामारी फैलिँदै गएकाले अत्यावश्यक बाहेकका सेवा बन्द गर्ने निर्णय गरिएकाे फोरमका अध्यक्ष एवं काठमाडौं महानगरपालिकाका मेयर विद्यासुन्दर शाक्यले जानकारी दिए ।