काठमाडाैँ। कोरोना भाइरसविरूद्दकाे भ्याक्सिन चीनमा आकस्मिक स्वीकृति पाएकाे छ।

चाइनान्यूजका अनुसार चीनको कोभिड–१९ भ्याक्सिन विकास टास्क फोर्सका प्रमुख र चीनको नेशनल हेल्थ कमिशनका अधिकारी झेंग झोंगवेइले भीनको भ्याक्सिन व्यवस्थापन कानुनको मातहत रहेर भ्याक्सिन प्रयोग गर्न सकिने बताएका छन् ।

एक बरिष्ठ चिनियाँ अधिकारीले शनिबार चीनले देशका भ्याक्सिन उत्पादनले विकास गरेको भ्याक्सिनलाई आकस्मिक प्रयोगका लागि स्वीकृति दिइएको बताएका छन् ।

झेंगका अनुसार आकस्मिक प्रयोगको लागि अप्रिल ४ मा निवेदन लिन सुरु गरिएको थियो । यसरी आकस्मिक प्रयोग गर्ने सम्बन्धि प्रस्ताव जून २४ मा पारित भएको र जुलाइ २२ मा भ्याक्सिनले स्वीकृति पाएको झेंगले बताएका छन् । भ्याक्सिनको आकस्मिक प्रयोगलाई प्रभावकारी नरिकाले नियमन गर्नको लागि विभिन्न मापदण्डहरु तय गरिएपछि मात्रै आकस्मिक प्रयोगको लागि स्वीकृति दिइएको हो ।

झेंगका अनुसार भाइरससँग सम्पर्कमा हुने उच्च सम्भावना भएका व्यक्तिहरुमा सीमित अवधिको लागि यो भ्याक्सिन प्रयोग गर्न सकिनेछ । स्वास्थ्यकर्मी, अग्रभागमा महामारी नियन्त्रणमा खटिएका कर्मचारी र कस्टमका कर्मचारीहरु आकस्मिक प्रयोगको प्राथमिकतामा पर्नेछन् ।