लमजुङ । लमजुङका थप ३ प्रहरीमा कोरोना संक्रमण पुष्टि भएकाे छ । १ प्रहरीमा कोरोना संक्रमण देखिएपछि गरिएको कन्ट्याक्ट ट्रेसिङमा ३ जना प्रहरीमा कोरोना संक्रमण देखिएको प्रहरी नायव उपरीक्षक गंगाबहादुर थापाले जानकारी दिए । उनका अनुसार अझै ८ जना प्रहरी र ३ जना थुनुवाको रिपोर्ट आउन बाँकी छ । कोरोना संक्रमण पुष्टि भएकामध्ये १ जना हवल्दार र २ जना सिपाही हुन् ।

उपचारमा रहेका एक प्रहरी सई तनहुँस्थित घरमा आराम गरी फर्केकोमा उनको आमालाई कोरोना संक्रमण भएपछि कन्ट्रयाक्ट ट्रेसिङका लागि तनहुँ गएका थिए । शनिबार उनको पीसीआर रिपोर्ट पोजिटिभ आएपछि लमजुङका ४४ प्रहरी र ९ जना थुनुवाको कन्ट्याक्ट ट्रेसिङ गरिएको थियो ।