चितवन । चितवनमा ३० जना कोरोना भाइरस संक्रमित थप थपिएका छन्। अन्य विभिन्न जिल्लाबाट उपचारका लागि चितवन आएका १० जना र चितवन जिल्लाकै २० जना गरी ३० जनामा कोरोना संक्रमण देखिएको भरतपुर अस्पतालले जनाएकाे छ।

भरतपुर अस्पतालको कोभिड–१९ परीक्षण प्रयोगशालामा मंगलबार राति गरिएको परीक्षणमा चितवनको भरतपुर महानगरपालिकाका १२ जना, खैरहनीका ५ जना, राप्ती नगरपालिकाका २ जना र रत्ननगरका १ जनामा कोरोना संक्रमण पुष्टि भएको हो ।

यस्तै, नवलपुरका ५, महोत्तरी, बाँके, तनहुँ, मकवानपुर र बाराबाट उपचारका लागि आएका एक–एक जनामा कोरोना संक्रमण पुष्टि भएको छ ।