काठमाडौं । काठमाडौंमा बिष्णुमती खोलाले बगाएर एकजनाको मृत्यु भएको छ । काठमाडौं महानगरपालिका-१४ कुलेश्वर महादेव मन्दिर नजिक बिष्णुमती खोलाले बगाएर करिब ४० वर्षीय पुरुषको मृत्यु भएको प्रहरीले जनाएकाे छ ।

नाम, थर, वतन नखुलेका पुरुषलाई खोलाले बगाई ल्याउँदै गरेको अवस्थामा महानगरीय प्रहरी वृत्त कालिमाटीबाट खटिएको प्रहरीले तत्काल उद्धार गरी वीर अस्पताल पुर्याएकाे थियाे । उनकाे उपचारको क्रममा उनको मृत्यु भएको हो ।