जनकपुरधाम । कोरोना भाइरस संक्रमणको जोखिम बढ्दै गएपछि महोत्तरी जिल्लाभर निषेधाज्ञा जारी गरिएको छ । प्रमुख जिल्ला अधिकारी कृष्णबहादुर कटुवालका अनुसार सोमबार राति १२ बजेदेखि लागू हुने गरि आगामी भदौ १० गतेसम्मका लागि निषेधाज्ञा जारी गरिएको हाे ।

यसअघि सदरमुकाम जलेश्वर, मटिहानी, गौशाला, बर्दिवास नगरपालिका र महोत्तरी गाउँपालिकामा निषेधाज्ञा लगाइएको थियो । पछिल्लो समय कोरोना संक्रमणको थप जोखिम बढ्दै गएका कारण जिल्लाभरि निषेधाज्ञा जारी गरिएको प्रमुख जिल्ला अधिकारी कटुवालले बताए ।