काठमाडौं । नेपालमा थप एक कोरोना संक्रमितको मृत्यु भएको छ । श्वासप्रश्वासमा समस्या भएपछि अस्पताल भर्ना भएकी ५० वर्षीय महिलाको विपी कोइराला स्वास्थ्य विज्ञान प्रतिष्ठान धरानमा मृत्यु भएको हो ।

श्वासप्रश्वासमा समस्या र ज्वरो आएपछि विराटनगरको न्यूरो अस्पतालले शनिबार राति उनलाई धरान रेफर गरेको थियो । विराटनगर २ तिनपैनी स्थायी ठेगाना भएकी महिलाको उपचारका क्रममा गएराति करिब १२ ३० बजे मृत्यु भएको विपी कोइराला स्वास्थ्य विज्ञान प्रतिष्ठान धरानले जनाएको छ ।

पछिल्लो ४ ५ दिनदेखि अत्यधिक ज्वरो आउने, खोकी लाग्ने तथा श्वास फेर्न समस्या भएपछि उनलाई विराटनगरको न्यूरो अस्पताल लगिएको थियो । फोक्सो, मुटुु र थाइरोइडको समस्या रहेकी महिलाको दिल्लीमा मुटुको उपचार पनि भएको बताईएको छ ।