, काठमाडौं । कोभिड-९ संकट व्यवस्थापन सेन्टर (सीसीएमसी) ले उपत्यका प्रवेशमा कडाइ गर्न सिफारिस गरेको छ। काठमाडौं उपत्यकामा कोरोना संक्रमितको संख्या बढेपछी सीसीएमसीले उपत्यका प्रवेशमा कडाइ गर्न सिफारिस गरेको हो ।

सीसीएमसीको आईतवार बसेको बैठकले २०० भन्दा बढी सक्रिय संक्रमित भएका जिल्लाबाट काठमाडौं उपत्यका आवतजावत गर्न पूर्ण रुपमा रोक लगाउन सरकारलाई सिफारिस गरेको छ ।

सीसीएमसीले कोरोना संक्रमण समुदायस्तरमा विस्तार हुने जोखिम बढेको भन्दै फुटपाथ, ठेलागाडा र साइकलमा भइरहेको तरकारी, फलफूल, खाद्यान्न लगायतका ब्यापार पूर्ण रुपमा बन्द गर्न सिफारिस गरेको छ ।

भारतबाट नेपालमा आउनेलाई थप कडाई गर्न सरकारलाई सिफासिर गर्ने, भदौं १ गतेबाट लामो दुरीको बस सेवा र हवाई यातायात पछि सार्नेबारे मन्त्रीपरिषदको बैठकबाट निर्णय भएकोले मन्त्रीपरिषदको बैठकबाटै पछि सार्न प्रस्ताव गर्नेबारे सीसीएमसीमा छलफल भएको छ ।

बैठकमा कोरोनाको संक्रमणदर बढिरहेको हुँदा थप अस्पताल र ति अस्पतालहरुमा बेड थप गर्न स्वास्थ्य मन्त्रालयले प्रवन्ध गर्नेबारे छलफल भएको छ ।