काठमाडौं । काठमाडाैं उपत्यकाभित्रका तीनवटा जिल्ला प्रशासन कार्यालयले साउन २५ गतेदेखि आइतबारदेखि विभिन्न सेवा बन्द गर्ने निर्णय गरेका छन् । कोरोना भाइरस संक्रमणको जोखिम बढ्दै गएपछि काठमाडौं, ललितपुर र भक्तपुर जिल्ला प्रशासन कार्यालयले सेवा नदिने निर्णय गरेका हुन ।

प्रशासन कार्यालयले दिने नयाँ नागरिकता वितरण, नागरिकता प्रतिलिपी वितरण, हातहतियार दर्ता तथा नवीकरण, संस्था दर्ता र पत्रपत्रिका दर्ता तथा नवीकरण, राहतदानी वितरण, नाबालिग परिचयन पत्र वितरणजस्ता सेवा बन्द गरेका छन् । तर, शान्ति सुरक्षा, ठाडो निवेदन र उजुरी, मुद्दा, अत्यावश्यक सवारी पास र विपद् सम्बन्धी कार्य भने यथावत् रहने जनाइएकाे छ ।

तर आम नागरिकले सरकारले गर्न लागेकाे ‘सटडाउन’ लाई ‘सटडाउन’ कै रूपमा बुझेका छन् । जिल्ला प्रशासन कार्यालयले आफूले प्रदान गर्ने सेवाहरुमात्रै कटौती गरेकाे प्रष्ट पारेपनि सर्वसाधारणले भने सेवा बन्दलाई फेरि लकडाउनकै अर्काे रुपमा बुझेका छन् ।

के खुल्छ, के बन्द हुन्छ ? जारी गरिएकाे सूचना यस्ताे छ ।