काठमाडौं । नेपालमा आज थप २३३ जना कोरोना संक्रमण मुक्त भएका छन् । योसँगै नेपालमा कोरोना संक्रमण मुक्त हुनेको संख्या १५ हजार ३ सय ८९ पुगेको स्वास्थ्य तथा जनसंख्या मन्त्रालयले जनाएको छ ।

कुल संक्रमित मध्ये ७०.७ प्रतिशत कोरोना संक्रमित संक्रमण मुक्त भई डिस्चार्ज भएका नियमित प्रेस ब्रिफिङमा मन्त्रालयका प्रवक्ता प्रा.डा. जागेश्वर गौतमले जानकारी दिए ।

प्रवक्ता गौतमले दिएको जानकारी अनुसार प्रदेश–१ मा ९३७ जना, प्रदेश–२ मा ३ हाजार २३४, वाग्मती प्रदेशमा ५९१, गण्डकी प्रदेशमा १ हाजार ३६२, प्रदेश–५ मा ४ हजार ९७, कर्णाली प्रदेशमा १ हजार ७७७ र सुदूरपश्चिम प्रदेशमा ३ हाजार ३९१ जना कोरोना संक्रमण मुक्त भई विभिन्न अस्पतालबाट डिस्चार्ज भएका छन् ।

यसैबीच नेपालमा आज थप ३६० जनामा कोरोना भाइरस संक्रमण पुष्टि भएसँगै कोरोना संक्रमितको संख्या २१ हजार ७५० पुगेको छ ।
नेपालमा अहिलेसम्म कोरोना भाइरस संक्रमणबाट ६५ जनाको मृत्यु भएको मन्त्रालयले पुष्टि गरेको छ ।