काठमाडौं । नेपालमा कोरोना भाइरसको संक्रमणबाट थप एक जनाको मृत्यु भएको छ । स्वास्थ्य तथा जनसंख्या मन्त्रालयले दिएको जानकारी अनुसार मोरङको विराटनगर महानगरपालिका ५ आदर्शटोलका ७७ वर्षिय वृद्धाको कोरोना संक्रमणबाट मृत्यु भएको हो ।

ज्वरो र स्वासप्रस्वासमा समस्या आएपछि साउन १९ गते विहान कोसी अस्पताल भर्ना भएका वृद्धाको १९ गते नै निधन भएको मन्त्रालयका प्रवक्ता डा. जागेश्वर गौतमले जानकारी दिए । योसँगै नेपालमा कोरोना संक्रमणबाट मृत्यु हुनेको संख्या ५८ पुगेको स्वास्थ्य मन्त्रालयले जनाएको छ ।