काठमाडौं । विराटनगरको कोशी अस्पतालमा ७७ वर्षका वृद्धको कोरोना संक्रमणबाट मृत्यु भएको छ । ज्वरो र स्वासप्रश्वासमा समस्या आएपछि आज विहान अस्पताल भर्ना भएका थिए ।

विराटनगर महानगरपालिका–५ का वृद्धलाई आइसोलेसनमा राखी अस्पतालले १० बजे स्वाब परीक्षण गर्न पठाएको थियो । उनको सवा ३ बजे मृत्यु भएको थियो भने त्यसको करिब एक घण्टापछि संक्रमण पुष्टि भएको रिपोर्ट आएको कोशी अस्पताल विराटनगरका मेडिकल सुपरिटेण्डेन्ट डा. चुमनलाल दासले जानकारी दिए ।

विराटनगरका ७७ वर्षका वृद्धको मृत्युसँगै नेपालमा कोरोना संक्रमणबाट मृत्यु हुनेको संख्या ५८ पुगेको छ ।