काठमाडौं । नेपालमा सोमबार ४१८ जनामा कोरोना भाइरस संक्रमण पुष्टि भएको छ । जसमध्ये ५१ जना काठमाडौं उपत्यकामा रहेका स्वास्थ्य तथा जनसंख्या मन्त्रालयले जनाएको छ ।

सोमबारको नियमित प्रेस ब्रिफिङमा मन्त्रालयका प्रवक्ता डा. जागेश्वर गौतमले काठमाडौं उपत्यकामा ५१ सहित देशभर ४१८ जनामा संक्रमण पुष्टि भएको जानकारी दिए ।

काठमाडौं जिल्लामा ४३ जना, ललितपुरमा तीन जना र भक्तपुरमा पाँच जना संक्रमित भएको मन्त्रालयले जनाएको छ । शुक्रराज ट्रपिकल तथा सरुवा रोग अस्पतालमा काठमाडौंका १७ जना, राष्ट्रिय प्रयोगशाला टेकुमा गरिएको परीक्षणमा काठमाडाैंका आठ र भक्तपुरका एक जनामा संक्रमण पुष्टि भएको हो ।

त्यसैगरी वीर अस्पतालमा गरिएको परीक्षमा काठमाडौंका दुई जना, नेपाल प्रहरी अस्पतालमा काठमाडौंका दुई जना, त्रिवि शिक्षण अस्पतालमा गरिएको परीक्षणमा काठमाडौंका एक जनामा संक्रमण पुष्टि भएको मन्त्रालयले जनाएको छ ।

स्टार अस्पताल सानेपामा गरिएको परीक्षणमा काठमाडैंका पाँच र ललितपुरका एक जनामा संक्रमण भेटिएको हो । वीरेन्द्र अस्पताल छाउनीमा गरिएको परीक्षणमा काठमाडौंका तीन जनामा संक्रमण पुष्टि भएको मन्त्रालयका प्रवक्ता डा जागेश्वर गौतमले बताए ।