काठमाडौं । प्रधानमन्त्रीको सरकारी निवास बालुवाटार बाहिर प्रदर्शनमा उत्रिएका इनफ इनफ अभियानका अभियान्ताहरुलाई प्रहरीले पक्राउ गरेको छ ।

अनशनमा बसेकाहरुको माग सम्बोधन गर्न दबाब दिने उद्देश्यले प्रदर्शनमा उत्रिएकाहरुलाई प्रहरीले पक्राउ गरेको हाे ।

पक्राउ पर्नेमा विवेकशील नेपाली दलकी नेतृ रञ्जु दर्शनासमेत छिन् । कोरोना महामारी रोकथाम तथा नियन्त्रणमा सरकारले प्रभावकारी कदम चाल्नुपर्ने माग राखेर अनशनमा बसेका ईः सहितका अभियन्ताको माग सुनुवाईको लागि दबाब दिन बिहीबार इनफ इनफ अभियानका अभियान्ताले प्रदर्शन गरेका थिए ।

बालुवाटारको सडकमा उभिदैमा पक्राउ गरेको विवेकशील नेपाली दलकी नेतृ रञ्जु दर्शनाले बताइन् । पक्राउ परेकाहरुलाई प्रहरीले महाराजगञ्जमा राखेको छ । यसअघि प्रहरीले सिंहदरबार अगाडिबाट पनि अभियानका अभियन्ताहरूलाइ नियन्त्रणमा लिएकाे थियाे।