चितवन ।  चितवनको इच्छाकामना ५ स्थित पृथ्वीराजमार्ग अन्तर्गतको नाग्दी खोलाबाट डिब्बा गाडी त्रिशुलीमा खसेको छ ।

भाटभटेनी सुपरमार्केटको सामान बोकेर बिराटनगरबाट काठमाडौतर्फ जाँदै गरेको ना ३ ख ७९८७ नम्बरको डिब्बा गाडी विपरीत दिशाबाट आउदै गरेको ना ६ ख ७६८७ नम्बरको ट्रकसंग ठोक्किएर आज विहान ८ बजे त्रिशुली नदिमा खसेको हो ।

पानी परिरहेको अवस्थामा भएको दुर्घटनामा डिब्बा गाडीको चालक हाम्फालेर बाँच्न सफल भएका छन् भने गाडी  त्रिशुलीमा डुबेको इलाका प्रहरी कार्यालय मुग्लिनले जनाएको छ ।  चालक घाइते भएका छन् ।
घाइते चालकको अहिले हाइवे हस्पिटल मुग्लिनमा उपचार भैरहेको छ । प्रहरीका अनुसार गाडीमा चालक मात्र सवार थिए ।