एजेन्सी । इंग्ल्यान्डले वेस्ट इन्डिजलाई २ सय ६९ रनको फराकिलो अन्तरले हराउँदै सिरिज २–१ ले जितेको छ । कोरोना महामारीपछिको पहिलो अन्तर्राष्ट्रिय टेष्ट सिरिजमा घरेलु टोली इंग्ल्यान्डले वेस्ट इन्डिजलाई फराकिलो अन्तरले हराउँदै सिरिज जितेको हाे ।

इंग्ल्यान्ड पहिलो खेलमा पराजित भएपनि उत्कृष्ट पूनरागमन सहित टेष्ट सिरिज जितेको हो । तेस्रो टेस्टमा ३ सय ९९ रनको लक्ष्य पछ्याएको वेस्ट इन्डिजले चौथो दिन वर्षाको कारण खेल सुचारु हुन सकेन । पाँचौ दिन इंग्ल्यान्डले उत्कृष्ट बलिङ गर्दै वेस्ट इन्डिजलाई ३७.१ ओभरमा १ सय २९ रनमा अल आउट गर्यो ।