काठमाडौं । प्रहरीले महोत्तरीको मनरासिस्वा नगरपालिकाबाट लागूऔषधसहित तीन जनालाई पक्राउ गरेको छ । नगरपालिका ४ का २६ वर्षीय नविन मण्डल, वडा नम्बर–५ बस्ने १९ वर्षीय राजीब कापर र जनकपुरधाम उपमहानगरपालिका–८ बस्ने ३२ वर्षीय जितेन्द्र झालाई नगरपालिका–१ स्वास्थ चौकी अगाडिबाट मोटरसाइकलमा सवार तीनजनालाई लागूऔषधसहित पक्राउ गरिएको प्रहरीले जनाएको छ ।
प्रदेश २–०३००६ प ८०१० नम्बरको मोटरसाइकलमा सवार उनीहरुलाई शंका लागेर चेकजाँच गर्दा लागूऔषध बरामद भएको महोत्तरीका प्रहरी प्रवक्ता प्रकाश विष्टले बताए । उनका अनुसार उनीहरुको साथबाट कोरेक्स १५ थान, डाइजोपाम ६९ थान ट्याब्लेट र पेमाडोल ४० थान बरामद भएको छ । थप अनुसन्धान भइरहेको प्रहरीले जनाएको छ ।
Leave a Reply