काठमाडौं । काठमाडौंको झोँछेमा दिनदहाडै सुनको सिक्री लुटपाट गर्ने समूहलाई प्रहरीले पक्राउ गरेको छ । बसन्तपुरकी २९ बर्षिया महिलाको सुनको सिक्री लुटपाटमा संलग्न अकेश नकर्मी र विक्की मगरलाई महानगरीय प्रहरी वृत जनसेवाबाट खटेको टोलीले पक्राउ गरेको हो ।

उनीहरुले लुटेको सिक्री अकेशको श्रीमती नेहा शर्मा नकर्मीले डल्लुमा रहेको माँ हारतीशरण सुनचाँदी पसलमा बेचेको प्रहरी अनुसन्धानबाट खुल्न आएको छ ।

महिलाले गलामा लगाएको ८ दशमलव ६४ ग्रामको सिक्री बेच्ने नेहा र सिक्री किन्ने सुन पसल सञ्चालक अशोक शाक्यसमेत गरि चारै जनालाई नियन्त्रणमा लिइएको प्रहरीले जनाएको छ ।