काठमाडौं । काठमाडौंको सीतापाइलमा एक युवतीमाथि एसिड प्रहार भएको छ । ओखलढुंगा घर भइ हाल सीतापाइलमा बस्दै आएकी २२ २२ वर्षीया पवित्रा कार्कीमाथि  बिहीबार साँझ एसिड प्रहार भएको हो ।

महानगरीय प्रहरी बृत्त स्वयम्भुका डीएसपी निरञ्जनदत्त भट्टका अनुसार उनलाई कसले र किन एसिड प्रहार गरेको हो भन्नेबारे खुल्न सकेको छैन । उनको मुखमा एसिड परेको छ ।

मुखमा एसिड लागेकी उनको कीर्तिपुरको बर्न अस्पतालमा उपचार भइहेको प्रहरीले जनाएको छ।

एसिड प्रहार गर्नेको व्यक्तिको खोजी भइरहेको प्रहरी परिसर, काठमाडौंका प्रमुख एसएसपी श्याम ज्ञवालीले वताए ।