कााठमाडौं । काठमाडौंको त्रिभुवन विश्वविद्यायल शिक्षण अस्पताल महराजगंजमा उपचाररत् एक चिनियाँ नागरिकको कोरोना भाइरसको संक्रमणबाट मृत्यु भएको छ ।

५८ वर्षीया चिनियाँ महिलाको कोरोना संक्रमणबाट मृत्यु भएको पुष्टि भएको अस्पतालका निर्देशक डा. रोहित पौडेलले जानकारी दिए । ’उहाँ हिजो बेलुका अस्पताल भर्ना हुनुभएको थियो । आज बिहान उहाँको मृत्यु भयो,’ डा. पौडेलले भने ।

मृतक महिलाबारे थप विवरण लिने काम भइरहेको र दूतावासको रोहबरमा सेनाले शव व्यवस्थापन गरिने निर्देशक पौडेलले जानकारी दिए । नेपालमा कोरोना संक्रमणबाट विदेशी नागरिकको मृत्यु भएको यो पहिलो घटना हो ।