काठमाडौं । चर्चित गीतकार तथा सर्जक बसन्त थापा, सर्जक प्रल्लाद सुबेदी र निर्देशक सुनिल क्षेत्रीको सहकार्यमा मोडल तीज गीत ‘गण्डकी बग्यो सली सली…’ सार्बजनिक भएको छ ।

गायिका मीना निरौलाको सुमधुर आवाज रहेको गीतको शब्द भने प्रल्लाद सुबेदीले लेखेका हुन् । सुबेदीको शब्दमा गीतकार तथा सर्जक बसन्त थापाले गीतको संगीत भरेका छन् । गीतको संगीत संयोजन आशिष अविरलले हरेका हुन् ।

जनता डिजिटल एण्ड फिल्म्सको ब्यानरमा तयार गरिएको उक्त गीतको भिडियोमा मोडल अन्जली अधिकारीलाई देख्न सकिन्छ ।

चर्चित निर्देशक तथा कोरियोग्राफर सुनिल क्षेत्रिको निर्देशनमा तयार पारिएको भिडियोको छायांकन अजय रेग्मीले गरेका हुन् ।

भाबगंगा डिजिटल प्रा. लि. म्युजिक कम्पनिले सार्बजनिक गरेको भिडियोको सम्पादन अमृत चापागाईले गरेका हुन् ।