चितवन । नारायणी नदीमा पानीको सतह बढेसँगै नवलपरासीको त्रिवेणीस्थित गण्डक ब्यारेजका सबै ढोका खोलिएका छन्।

नेपाल–भारत सीमामा गण्डक ब्यारेज बनाएर नारायणी नदीलाई थुनिएको छ। त्यहाँबाट नारायणीको पानी भारत, उत्तर प्रदेश र बिहारका विभिन्न जिल्लामा सिँचाइ गर्न लगिन्छ।

नारायणी नदीको सतह खतरामाथि पुगेपछि ब्यारेजका सबै ३६ वटा ढोका खोलिएको हो ।

गण्डक ब्यारेजको क्षमता ७ लाख क्यूसेक हो। पुरानो भएकाले अहिले त्यसको क्षमता ४ लाखको हाराहारीमा रहेको छ। ३ लाख नाघेपछि खतरा मानिन्छ। गण्डकमा मंगलबार पानीको सतह ३ लाख क्यूसेक हाराहारी पुगेको छ।