काठमाडौं । राष्ट्रिय प्रजातन्त्र पार्टीका अध्यक्ष कमल थापाले सत्तारुढ दल नेकपालाई मिल्न नसके १२ बुँदे सम्झौता उल्ट्याउने तिर संकेत गरेका छन्।

शनिबार बिहान सामाजिक सञ्जाल ट्विटरमार्फत अभिव्यक्ति दिँदै थापाले व्यक्ति परिवर्तनबाट मात्रै अहिलेको समाधान नहुने बताएका हुन् ।

‘सत्तारुढ दल नेकपाको विवाद नीति, पद्धति, प्रणालीबारे होइन नितान्त व्यक्तिगतरव्यक्ति परिवर्तनमा केन्द्रित रहेको छ। थापाले भनेका छन्–‘अहिलेको समस्याको समाधान व्यक्ति परिवर्तनबाट हुँदैन।’

जनादेशअनुसार मिलेर जान नसक्ने भए १२ बुँदे सम्झौतापछिको मार्गचित्र परिवर्तन गरेर जान आँट गर्न आग्रह गरेका छन् ।

सत्तारुढ दल नेकपाको विवाद नीति/पद्दति/प्रणालीवारे होईन,नितान्त व्यक्तिगत/व्यक्ति परिवर्तनमा केन्द्रित रहेको छ।अहिलेको समस्याको समाधान व्यक्ति परिवर्तनबाट हुंदैन।सक्नुहुन्छ भने १२बुंदे सम्झौतापछिको मार्गचित्र परिवर्तनगर्ने आंट गर्नोस्।होइन भने जनादेश अनुसार ५बर्ष मिलेर काम गर्नोस्

— Kamal Thapa (@KTnepal) July 18, 2020