काठमाडौं । नेपाल भूतपूर्व सैनिक संघका पूर्व अध्यक्ष एव नेपाली कांग्रेसका पूर्व सांसद मेजर दिपकबहादुर गुरुङको निधन भएको छ ।

गुरुङको काठमाडौंस्थित नर्भिक अस्पतालमा उपचारका क्रममा शुक्रबार दिउँसो निधन भएको नेपाली कांग्रेसले जनाएको छ ।

कास्कीको नार्माजुन–३ मा जन्मिएका गुरुङ ब्रिटिश आर्मीबाट अवकाश प्राप्त मेजर हुन् । उनी नेपाल भूतपूर्व सैनिक संघको तीन कार्यकालसम्म अध्यक्ष बनेका थिए ।