काठमाडौं । सरकारले लकडाउनका कारण समस्यामा परेका निर्माण व्यवसायीलाई थप समय उपलब्ध गराउने निर्णय गरेको छ ।

सोमबार बसेको मन्त्रिपरिषद् बैठकले लकडाउनको अवधिमा म्याद सकिएका र नियमित काम भइरहेका आयोजनाहरूलाई ६ महिना थप समय दिने निर्णय भएको जानकारी प्राप्त भएको नेपाल निर्माण व्यवसायी महासंघले विज्ञप्ती मार्फत जानकारी दिएको छ ।

महासंघमा अनुसार सरकारलाई थप आर्थिक दायित्व सिर्जना नहुने गरी सम्बन्धित आपूर्तिकर्ता, निर्माण व्यवसायी, सेवा प्रदायक र परामर्शदाताको सिफारिसका आधारमा खरिद सम्झौता गर्ने अधिकारीले म्याद थपको निर्णय गर्न सक्नेछन् ।