काठमाडौं । नेपाली बजारमा सुनको मूल्य अहिलेसम्मकै सबैभन्दा महँगो भएको छ । बुधबार नेपाली बजारमा सुनको मूल्य प्रति तोलामा ६ सय रुपैयाँले बढेर कारोबार भएको नेपाल सुनचाँदी व्यवसायी महासंघले जनाएको छ ।

मंगलबार ९२ हजार २ सय रुपैयाँमा कारोबार भएको छापावल सुनको मूल्य बुधबार प्रतितोला ९२ हजार ८ सय रुपैयाँ तोकिएको छ भने तेजावी सुन ९२ हजार तीन सय ६० रुपैयाँमा कारोबार भईरहेको छ ।

चाँदीको मूल्य प्रतितोला १० रुपैयाँले बढेको छ । बुधबार चाँदीको मूल्य एक हजार पाँच रुपैयाँ प्रतितोला तोकिएको छ । अघिल्लो दिन तोलाको ९९५ रुपैयाँमा कारोबार भएको थियो ।