पोखरा। चितवनकी एक महिलालाई आफ्नै कार्यकक्षमा बोलाएर बलात्कार गरेकाे आरोपमा सशस्त्र प्रहरी बल नेपाल हुल तथा दंगा व्यवस्था तालिम शिक्षालय लामापाटन पोखरामा कार्यरत एसएसपी राजेन्द्र अधिकारी पक्राउ परेका छन् ।

जिल्ला प्रहरी कार्यालय कास्कीले एसएसपी अधिकारीलाई पक्राउ गरी अनुसन्धान थालेकाे हाे ।

चितवन भरतपुरकी ति महिलाले प्रहरी समक्ष सशस्त्रका एसएसपी अधिकारीले उनकै कार्यलयमा लगेर बलात्कार गरेको बयान दिएकी थिइन ।

एसएसपी अधिकारीले आफुलाई लट्याउने औषधी प्रयोग गरी बलात्कार गरेको भन्दै पिडित महिलाले प्रहरी कन्ट्रोललाई फोन गरी उजुरी गरेकी हुन् ।

यस अघि थप अनुसन्धान गर्न घटनास्थलमा पुगेको कास्की प्रहरीले एसएसपी अधिकारी फरार भएको जानकारी दिएको थियाे । तर, अहिले उनी पक्राउ परेकाे र थप अनुसन्धान भइरहेकाे बताइएकाे छ ।