काठमाडौं । संसदको उद्योग, वाणिज्य र श्रम तथा उपभोक्ता हित समितिले म्यानपावर कम्पनी नवीकरणमा सहजीकरण गरिदिन सरकारलाई निर्देशन दिएको छ ।

शुक्रबार म्यानपावर व्यावसायी र श्रम, रोजगार, तथा सामाजिक सुरक्षामन्त्री रामेश्वर राय यादव लगायतसँग छलफल गरी समितिको तीन सदस्यीय टोलीले शुक्रबार नै म्यानपावर कम्पनी नवीकरणमा सहजीकरण गरिदिन सरकारलाई निर्देशन निर्देशन दिएको हो ।

पछिल्लो दुई आर्थिक वर्षमा प्रत्येक वर्ष कम्तीमा सय कामदार पठाएको प्रमाणित नभए इजाजत नवीकरण नहुने व्यवस्था सरकारले गरेको छ । यो व्यवस्थाको म्यानपावर व्यवसायीले विरोध गर्दै आएका छन् । श्रम, रोजगार मन्त्रालयका अनुसार यही असार मसान्तसम्म म्यानपावर कम्पनीले नवीकरण गरिसक्नुपर्ने हुन्छ ।

अब चार दिन मात्रै बाँकी रहेको भन्दै समितिले म्यानपावर व्यावसायीहरुको माग अनुसार म्यानपावर कम्पनी नवीकरणमा सहजीकरण गरिदिन निर्देशन दिएको समिति सदस्य अभिषेकप्रताप शाहले जानकारी दिए ।