कैलाली । हत्या अभियोगमा पक्राउ परेका गणेशबहादुर ऐर प्रहरीलाई कुटपिट गरी फरार भएका छन् ।

कैलालीको ईलाका प्रहरी कार्यालय फल्टुडेको थुनामा रहेका ऐर बुधबार राती ९ बजेको समयमा खाना खाएर हात धुने बेला प्रहरीलाई कुटपिट गरी फरार भएको जिल्ला प्रहरी कार्यालय कैलालीले जनाएको छ ।

कैलालीको चुरे गाउँपालिका ६ भाबर बस्दै आएका ऐरले ७५ वर्षीय अजुरआमा पार्वतीदेवी ऐरलाई २३ गते हत्या गरेका थिए । सोही सूचनाको आधारमा २४ गते ईलाका प्रहरी कार्यालय फल्टुडेबाट खटिएको प्रहरी टोलीले उनलाई पक्राउ गरेको थियो ।