काठमाडौं । सरकारले तोकेका अस्पतालबाहेक अन्यले कोरोना परीक्षणको शुल्क लिए कारबाही हुने भएको छ ।

केही अस्पतालले स्थानीय तहसँग कोरोनाको पीसीआर परीक्षण शुल्क माग गरेपछि स्वास्थ्य तथा जनसंख्या मन्त्रालयले ध्यानाकर्षण भएको जनाउँदै कारबाही गर्ने चेतावनी दिएको हो ।

नियमित मिडिया ब्रिफिङमा मन्त्रालयका प्रवक्ता प्रा. डा. जागेश्वर गौतमले कोरोनाको पीसीआर परीक्षणको खर्च सरकारले गरिरहेको बताउँदै यदि कुनै पनि निकायले शुल्क लिइएको पाइए नियमानुसार कारबाही गरिने बतााए ।