काठमाडौं । नेपालमा बुधबार थप २५३ जना कोरोना संक्रमण मुक्त भएका छन् ।

योसँगै नेपालमा कोरोना संक्रमण मुक्त हुनेको संख्या ७ हजार ७ सय ५२ पुगेको स्वास्थ्य तथा जनसंख्या मन्त्रालयले जनाएको छ ।

आज (बुधबार) नेपालमा थप २५३ जना कोरोना संक्रमण मुक्त भई डिस्चार्ज भएका स्वास्थ्य मन्त्रालयको नियमित मिडिया ब्रिफिङमा मन्त्रालयका प्रवक्ता प्रा.डा. जागेश्वर गौतमले जानकारी दिए ।

यसैबीच नेपालमा बुधबार २५५ जनामा कोरोना संक्रमण पुष्टि भएसँगै संक्रमितको संख्या १६ हजार ४२३ पुगेको मन्त्रालयले जनाएको छ ।