काठमाडौं । सरकारले स्वास्थ्य बिमा बोर्डको कार्यकारी निर्देशकमा सहसचिव डा‍. राधिका थपलियालाई नियुक्त गरेको छ ।

स्वास्थ्य तथा जनसंख्या मन्त्रालयले मन्त्रीस्तरीय निर्णय गरी अर्को निर्णय नहुन्जेलसम्मका लागि डा. थपलियालाई कार्यकारी निर्देशकमा नियुक्त गरेको हो ।

असार १७ गते कार्यकारी निर्देशक रमेशकुमार पोखरेलले राजीनामा दिएका थिए तर उनको राजीनामा स्वीकृत भइसकेको छैन ।

आर्थिक वर्षको अन्त्यमा राजीनामा दिँदा थुप्रै कामहरू रोकिएकाले तत्काल काम चलाउनका लागि थपलियालाई नियुक्ति दिइएको स्वास्थ्य मन्त्रालयले जनाएको छ ।