काठमाडौं । गण्डकी प्रदेशमा थप १७ जनामा कोरोना संक्रमण पुष्टि भएको छ । यो सँगै गण्डकीमा संक्रमित संख्या ११ सय १३ पुगेको स्वास्थ्य निर्देशनालय गण्डकीले जनाएको छ ।

निर्देशनालयका अनुसार पोखरा महानगरपालिकाका ५१ वर्षिय महिलासहित लमजुङका ११ र बागलुङका ५ जनामा कोरोना पुष्टि भएको छ । लमजुङमा भेटिएका संक्रमितमध्ये राइनासका एक पुरुष, बेशिसहरका ३ पुरुष, सुन्दरबजारका ३ पुरुष, क्होलासोथरका २, दोर्दी र मध्यनेपालका एक एक जना पुरुष संक्रमित गरि ११ संक्रमित रहेका छन् ।

यस्तै, बागलुङको ढोरपाटनमा एक महिला र बडीगाड, काठेखोलामा दुई, दुई पुरष गरि ५ जना संक्रमित रहेका छन् ।

यस्तै पोखरा स्वास्थ्य विज्ञान प्रतिष्ठानका निर्देशक डाक्टर अर्जुन आचार्यले अस्पतालको आइसोलेसन वार्डमा उपचाररत १३ जना संक्रमित निको भएर घर फर्केको जानकारी दिएका छन् ।