रुपन्देही । जिल्ला अदालत रुपन्देहीले सामूहिक हत्याका अभियुक्त झसेन्द्र सिंजाली पुर्पक्षका लागि कारागार चलान गर्न आदेश दिएको छ ।
जिल्ला अदालत रुपन्देहीका जिल्ला न्यायाधीश मातृका मरासिनीको एकल इजलासले रूपन्देहीको तिलोत्तमा नगरपालिका–१० मैनहवाका सिंजालीलाई पुर्पक्षका लागि थुनामा राख्न आदेश दिएको हो ।
अदालतको आदेशपछि अभियुक्त सिंजालीलाई आइतबार जिल्ला कारागार भैरहवा पठाइएको ५ नम्बर प्रदेश प्रहरी कार्यालयका प्रमुख डीआईजी रवीन्द्र धानुकले जानकारी दिए ।
गत २७ जेठमा मैनहवास्थित कृष्णबहादुर पुनले सञ्चालन गर्दै आएको गंगादेवी कृषि फर्ममा ५ जनाको सामूहिक हत्या भएको थियो ।
Leave a Reply