काठमाडौं । काठमाडौं उपत्यकामो ढलमा कोरोना भाइरस फेला परेको छ । सेन्टर फर मलिकुलर डायनामिक्स नेपाल (सिएमडिएन) का अनुसार विभिन्न ४ ठाउँको नमुना परीक्षणका क्रममा दुई ठाउँमा कोरोना भाइरस फेला परेको हाे।

काठमाडौं उपत्यकामा कोरोना भाइरस समुदायस्तरमा फैलिएको अनुसन्धानमा संलग्न वैज्ञानिक डा. दिवेस कर्माचार्यले जानकारी दिएका छन् ।

अध्ययनमा संलग्न कर्माचार्यले समुदाय स्तरमा फैलिन सक्ने भएकाले परीक्षणको दायरा बढाउनु पर्नेमा जोड दिएका छन् । संस्थाले ढलको गहन अध्ययन थालेको पनि जनाएको छ ।

प्रारम्भिक अध्ययनका लागि ४ ठाउँको ढलको नमुना लिएर अध्ययन गर्दा दुई ठाउँको ढलमा कोरोना भाइरस फेला परेको सिएमडिएनले जनाएको छ ।