काठमाडौं । म्याग्दी स्थायी ठेगाना भएका ४९ दिने शिशुको कोरोना भाइरसबाट मृत्यु भएको पुष्टि भएसंगै नेपालमा मृत्कको संख्या ३१ पुगेको छ ।

४९ दिने शिशुको त्रिवि शिक्षण अस्पतालमा महाराजगंजमा उपचारको क्रममा मृत्यु भएको स्वास्थ्य तथा जनसंख्या मन्त्रालयले जनाएको छ ।

मन्त्रालयका अनुसार घाँटीमा समस्या देखिएपछि असार ९ गते अस्पताल भर्ना भएका शिशुको शल्यक्रियाअघि पीसीआर परीक्षण गर्दा रिपोर्ट पोजिटिभ आएको थियो ।

कोरोनाकै कारण मृत्यु भएपछि उनको सम्पर्कमा रहेका आफन्तको स्वाब संकलन गरेर पीसीआर परीक्षणका लागि पठाइएको छ ।