काठमाडौं । कोरोना भाइरस (कोभिड–१९) संक्रमणबाट ४५ दिने शिशुको मृत्यु भएको छ । त्रिभुवन विश्वविद्यालय टिचिङ अस्पतालमा उपचाररत ती शिशुको संक्रमणबाट मृत्यु भएको हाे।

शिशुको बुधबार साँझ मृत्यु भएको अस्पतालका कोभिड संयोजक डा. सन्तकुमार दासले जानकारी दिए ।

घाँटीमा समस्या देखिएपछि अस्पताल भर्ना भएका शिशुको शल्यक्रियाअघि पीसीआर परीक्षण गर्दा रिपोर्ट पोजिटिभ आएको थियो । म्यागदीका ति शिशुको कोरोनाकै कारण मृत्यु भएपछि उनका आमा, बुवा र फुपूको स्वाब संकलन गरेर पीसीआर परीक्षणका लागि पठाइएको छ ।

शिशुको श्वासप्रश्वासमा समस्या देखिएपछि सोमबार उनको घाँटीको शल्यक्रिया गरिएको थियो । योसँगै नेपामा कोरोना संक्रमणबाट मृत्यु हुनेको संख्या ३१ पुगेको छ ।