काठमाडौं । सन् २०१९ को डिसेम्बरमा चीनको वुहानबाट शुरु भएको कोरोना भाइरस (कोभिड–१९) विश्वभर फैलिएको छ ।
शुरु भएको तीन महिनामा नै कोरोना मुक्त भएको भनिएको चीनमा फेरि पनि कोरोनाको त्रास फैलिएको छ । चीनमा केही महिनादेखि कोरोना संक्रमणमा कमी आएपछि लकडाउन खोलिएको थियो ।
तर, अहिले चीनले राजधानी बेइजिङको निकट हिबेई प्रान्तमा कारोना भाइरस संक्रमण देखिएपछि कडा लकडाउन गरिएको छ ।
चीनका सञ्चारमाध्यमहरुले जनाए अनुसार यो लकडाउनका कारण करिब ४ लाख मानिस प्रभावित हुनेछन् । यो हिबेईको एनसिनमा लगाइएको हो । जुन राजधानी बेइजिङनजिकै पर्छ ।
एनसिन राजधानी बेइजिङबाट १५० किलोमिटर दक्षिणमा छ ।दुई साताअघि बेइजिङमा पुनः कोरोना संक्रमित भेटिँदा एनसिनमा मात्रै १८ जना संक्रमित भेटिएका थिए । एजेन्सी
Leave a Reply