सर्लाही । सर्लाहीको धनकौल गाउँपालिकामा  नेकपा र कांग्रेसका कार्यकर्ताबीच झडप हुँदा एक दर्जनभन्दा बढी घाइते भएका छन् । झडपका क्रममा गोली चलेको वताइएको छ ।

घटना सामान्य भएपनि पछि उग्र बन्दै गएपछि गोली चलेको स्रोतले वतायो ।

घाइतेमध्ये धेरै कांग्रेस कार्यकर्ता रहेको स्थानीय बताउँछन् । ट्याक्टरले मोटरसाइकललाई धक्का दिएको भन्दै सुरु भएको विवाद बढ्दै जाँदा झडप भएको हो । झडपका क्रममा गोली चलेको बताइए पनि प्रहरीले भने त्यसको पुष्टि गरेको छैन ।

झडपका क्रममा घाइते भएकामध्ये तीन जनाको अवस्था गम्भिर रहेको छ । सबैलाई उपचारका लागि एम्बुलेन्समा राखेर अस्पताल लगिएको प्रहरीले जनाएको छ  ।