जनकपुरधाम । राजु सदाको मृत्युबारे छानबिन गर्न प्रदेश २ को प्रदेशसभाले समिति गठन गरेको छ । समितिलाई ५ दिनको समयावधी दिइएको छ।

आइतबार बसेको प्रदेशसभा बैठकले सांसदहरु रवीन्द्र बैठा, चमेलीदेवी दास, सुरिताकुमारी साह, नरेशकुमार यादव र सावित्री देवी साह रहेको समिति गठन गरेर प्रतिबेदन बुझाउन ५ दिनको समय दिएको हो ।

समितिले सभामुखको निर्देशनमा रही आफ्नो कार्यविधि तयार पार्नेछ । संसदीय समितिले राजुको मृत्युका विषयमा विज्ञहरुसँग कुराकानी र छलफलसहित अन्य व्यक्ति, निकाय वा पदाधिकारीसँग समेत छलफल गरी प्रतिवेदन तयार समितिमा पेश गर्नेछ ।

गत असार ९ गते प्रादेशिक अस्पताल जनकपुरधामको आइसोलनमा छटपटिएर राजुको मृत्यु भएको थियो । पखाला लागेका उनलाई जीवन जलसमेत नदिएका कारण छटपटिएर मृत्यु भएको परिवारको दिबी छ ।