काठमाडौँ । जिल्ला अदालत, काठमाडौँले लागूऔषध कारोबारीसँग कनेक्सन देखिएको आरोपमा पक्राउ परेका प्रहरी निरीक्षक (इन्सपेक्टर) रुद्र शाहीलाई थप ७ दिन हिरासतमा राखेर प्रहरीलाई अनुसन्धान गर्न अनुमति दिएको छ ।

बिहीबार इन्सपेक्टर शाहीलाई लागूऔषध नियन्त्रण ब्युरो, कोटेश्वर (एनसीर्बी)ले ललितपुर परिसरबाटै पक्राउ गरेको थियो । पक्राउ परेका इन्सपेक्टर शाहीलाई जिल्ला अदालतले लागूऔषध कारोबार सम्बन्धी कसूरमा अनुसन्धानका लागि थुनामा राख्न अनुमति दिएको हो ।

इन्सपेक्टर शाहीसँगै उदयपुरका एलिसन बस्नेत, बर्दियाका सन्तोषकुमार शाह, काठमाडौंका भुपेश शेरचन र अभियान थपलियासमेत पक्राउ परेका छन् । उनीहरुको साथबाट लागूऔषध समेत बरामद भएको प्रहरीले जनाएको छ ।

अन्य आरोपितविरुद्ध भने १० दिन म्याद थप भएको छ ।