एजेन्सी । स्पेनिस ला लिगा फुटबलमा रियल मड्रिड शीर्ष स्थानमा उक्लिन सफल भएको छ । सोमवार राति भएको खेलमा म्याड्रिडले मालोर्कालाई २–० ले हराएको थियो ।

रियललाई जिताउन भिनिसियस जुनियर र सर्जियो रामोसले एक–एक गोल गरेका थिए । यो जीतसँगै रियल तालिकाको शीर्ष स्थानमा उक्लिएको हो ।

रियलले ६८ अंक जोडेको छ । बार्सिलोनासँग पनि ६८ अंक नै छ । रियल म्याड्रिड ‘हेड टु हेड’ का आधारमा शीर्ष स्थानमा उक्लिन सफल भएको हो । मालोर्काले भने जम्मा २६ अंक बनाएको छ । मालोर्का तालिकाको अन्तिम तेस्रोमा सीमित छ ।