काठमाडौं । बुधबार दाङका वडाध्यक्ष र महिला स्वास्थ्य स्वयंसेविकासहित ७६ जनामा कोरोना भाइरस संक्रमण पुष्टि भएको छ ।

बंगलाचुली गाउँपालिकाका ४२ र घोराही उपमहानगरपालिकाका ३४ जनामा कोरोना संक्रमण पुष्टि भएको राप्ती स्वास्थ्य विज्ञान प्रतिष्ठानले जनाएको छ ।

बंगलाचुली गाउँपालिकाका एकजना वडाध्यक्ष र एक जना महिला स्वास्थ्य स्वयंसेविकामा पनि कोरोना पुष्टि भएको स्वास्थ्य शाखा प्रमुख भक्तबहादुर जीसीले जानकारी दिए ।

यस्तै बंगलाचुली गाउँपालिका वडा नम्बर–१ निवासी अर्की एक जना महिला स्वास्थ्य स्वयंसेविकामा पनि कोरोना संक्रमण पुष्टि भएको छ ।