काठमाडौं। निजी विद्यालयहरूको संगठन प्याब्सन र एनप्याब्सनले संकटका वेला सरकारी निर्णयविपरीत शुल्क उठाउन नपाउने भएका छन्।

शिक्षा, विज्ञान तथा प्रविधि मन्त्रालयले शिक्षण संस्था सञ्चालन नभएको अवधिको शुल्क नलिन निजी विद्यालयहरुलाई आज निर्देशन दिएको छ । मन्त्रालयले विज्ञप्ति जारी गरेर प्याब्सन, एनप्याब्सनलाई शुल्क नलिन  प्याब्सन, एनप्याब्सनलाई निर्देशन दिएका हुन् ।

प्याब्सन र एनप्याब्सनले गत वर्षको बाँकी र शैक्षिक सत्र २०७७ को शुल्क बुझाउन अपिल गरेपछि चौतर्फी बिरोध भएको थियो।

जसको बारेमा सत्तारुढ नेपाल कम्युनिस्ट पार्टीको विद्यार्थी संगठन अनेरास्ववियु र नेपाली कांग्रेसको भ्रातृ संस्था नेविसंघले कोरोना महामारीको बेला विद्यार्थीसँग शुल्क नउठाउन निजी विद्यालय सञ्चालकहरूलाई कारवाहीको चेतावनी दिएका थिए ।

विद्यार्थी र अभिभावकले पनि असन्तुष्टि जनाएका थिए । चैतदेखि शिक्षण संस्था बन्द छन् । निजी विद्यालय सञ्चालकहरुले लकडाउनको अवधिमा सरकारले कुनै राहत नदिएको भन्दै शुल्क उठाउनु परेको तर्क दिने गरेका थिए ।