काठमाडौं । सिन्धुलीस्थित रामबहादुर बम्जनको आश्रममा नेपाल प्रहरीको केन्द्रीय अनुसन्धान ब्यूरो (सिआईबी) ले आज (बिहीबार) छापा मारेको छ ।
सीआईबीको टोली उनलाई पक्राउ गर्न पूर्ण तयारीका साथ त्यहाँ पुगेको भएपनि पहिले नै सूचना चुहाएका कारण उनी भाग्न सफल भएको स्रोतले बतायो ।
सिआईबीले ८ घण्टा सर्च अपरेशन चलाए पनि उनी भने जंगलतिर नै भाग्न सफल भएका थिए । प्रहरीले सिन्धुलीस्थित बम्जन आश्रममा छापा हानेको यो तेस्रो पटक हो ।
बम्जनमाथि बलात्कार, हत्या र मानिस बेपत्ता पारको आरोप छ । जिल्ला आदालत सिन्धुलीले पनि उनलाई पक्राउ गर्न पूर्जी दिइसकेको छ ।
बमजनका सिन्धुलीस्थित आश्रमबाट आनीहरू सर्लाहीकी रिता वोट, नुवोकोटकी कर्मा तामाङ र मकवानपुरकी फूलमाया रूम्बा तथा दुई अनुयायी बाराका सुरेश आलेमगर र मकवानपुरका सञ्चमान वाइवा पनि बेपत्ता छन्।
Leave a Reply