काठमाडौं । सशस्त्र प्रहरी महानिरीक्षक शैलेन्द्र खनालले सशस्त्र प्रहरी बल, नेपाल नम्बर ५० गुल्म दार्चुलाको नव निर्मित भवनको आज  उद्घाटन गरेका छन् ।

सशस्त्र आईजीपी खनालले  भौगोलिक विकटताका बावजुद त्यस क्षेत्रमा सशस्त्र प्रहरी कर्मचारीहरुले शान्ति सुरक्षामा पु-याएको योगदानको प्रशंसा गरे ।

सशस्त्र आईजीपी खनालले सो गुल्मलाई गणमा स्तरोन्नती गरिने योजना रहेको वताउँदै राष्ट्रसेवक सशस्त्र प्रहरी कर्मचारीहरुलाई शान्ति सुरक्षा लगाएत विपद् प्रकोप पीडित नागरिकको सेवा, सुरक्षा, सहयोग र उद्वार कार्यमा दत्तचित्त भई सकृयताकासाथ कृयाशिल रहन निर्देशन दिए ।

अर्को पनि पढ्नैपर्ने

अपराध नियन्त्रणमा नेपाल प्रहरीको भूमिका कमजोर, सशस्त्रले दिंदैछ चुनौती

आगामी दिनहरुमा सीमा नाकाहरुमा थप बोर्डर आउट पोष्टहरु थप्दै लगिने कार्ययोजना रहेको उल्लेख गर्दै उनले क्रमिक रुपमा स्थायी भवन समेत निर्माण गरिने बताए ।

करिब २ करोड ८७ लाख रुपैयाँको लागतमा निर्माण सम्पन्न भएको १५ वटा कोठा रहेकोे सो भवनमा कार्यालय, भण्डार तथा तीन वटा व्यारेक समेत रहेको छ ।
सशस्त्र आईजीपी खनालले आजै  छाङ्गरुमा हालै स्थापना भएको सशस्त्र प्रहरी बल, नेपाल बोर्डर आउट पोष्ट छाङ्गरुको निरीक्षण समेत गरेका छन् ।
खनालले आजै नेपाली सेनाको दुर्गादल गुल्म दार्चुला परिषरमा भएको बृक्षारोपण कार्यक्रममा बृक्षारोपण समेत गरे ।