काठमाडौं । महानगरीय प्रहरी परिसर काठमाडौंको टोलीले जुवामा कहलिएको खरानी ग्याङका नाइके सहित एक दर्जनलाई जुवा खेलिरहेको अवस्थामा पक्राउ गरेको छ ।
मंगलबार साँझ गोंगबु गणेशस्थानबाट पक्राउ परेका १२ जुवाडे पेशेबर रुपमा खेल्ने समूह भएको खुलेको छ । खरानी ग्याङका नामले चिनिने यो जुवा खेलाउने समूहका नाइके राजकुमार अधिकारीलाई पनि प्रहरीले पक्राउ गरेको छ । पक्राउ पर्नेमा उनीसमेत ८ पुरुष र ४ महिला छन् ।
लामो समयदेखि कौडा खेलाउने खरानी ग्याङका नामले चिनिने राजकुमार अधिकारी, पासिकोटकी ज्योति बानियाँ, माया बस्नेत, गंगालगायत प्रहरीले पक्राउ गरेको हो । बानियाँ, बस्नेत सहितका महिला भीआइपी हुन् । जुवाखालाबाट २ लाख ७१ हजार रुपैयाँमात्र बरामद भएको छ ।
खरानी ग्याङका नामले चिनिने राजकुमार अधिकारीको समूहले काठमाडौंका कपन, बौद्ध, जोरपाटी, मित्रपार्क, चावहिल, गंगाहिटी, धापासी, बसुन्धरा, गोंगबुलगायतका क्षेत्रहरूमा ठाउँ सारी–सारी ठूलो जुवा अखडा सञ्चालन गर्दै आएको छ । र, घरमा प्रहरीले थाहा पाउने भएपछि पिकनिकको नाममा कहिले धुलिखेल, कहिले दोलालघाट त कहिले चोभार जस्ता ठाउँमा घुम्ती जुवा अखाडा संचालन गर्दैआएको थियो ।
खरानी ग्याङका राजकुमार अधिकारी पिकनिक आयोजनाका नाममा काठमाडौँबाट पेशेवर र धनाढ्य जुवाडेहरूलाई धुलिखेल बोलाएर कौडा खेलाउने धन्दामा सक्रिय थिए। अधिकारी पटक पटक जुवा खालबाट पक्राउ पर्ने र छुट्ने गरेका छन् ।
Leave a Reply