काठमाडाैँ । समाजवादी पार्टीको संसदीय दलले संविधान संशोधनको पक्षमा मतदान गर्न निर्देशन दिएकाे छ । समाजवादी पार्टीको शनिबार बसेको संसदीय दलको बैठकमा नेपालको नयाँ नक्साको पक्षमा उभिने निर्णय गरेको सो पार्टीका सांसद प्रदीप यादवले बताए ।

यसैगरी राजपा संसदीय दलको बैठकले पनि संविधान संशोधनको पक्षमा मतदान गर्ने निर्णय गरेको सो पार्टीका सांसद लक्ष्मणलाल कर्णले जानकारी दिए ।

यी दुबै पार्टी एकिकरण भएर जनता समाजवादी गठन भएपनि संसदमा अलग अस्तित्वमा नै छन् ।

सरकारले नेपालको नयाँ नक्सा जारी गरेपछि सोहीअनुसार संविधानमा मिलान गर्न संविधान संशोधनको प्रस्ताव संसदमा दर्ता गराएको छ ।