सिरहा । सिरहामा भरुवा बन्दुक सहित २ जना पक्राउ परेका छन् । विशेष सूचनाको आधारमा इलाका प्रहरी कार्यालय गोलबजारबाट खटिएको प्रहरी टोलीले दुवैजनालाई पक्राउ गरेको जिल्ला प्रहरी कार्यालय सिरहाले जनाएको छ ।

पक्राउ पर्नेहरुमा गोलबाजार नगरपालिका ३ बस्ने ६९ वर्षीय कुलबहादुर पुर्वछाने र ६२ वर्षीय तिलक बहादुर थापा रहेका छन्। उनीहरुको साथबाट लोड भएको भरुवा बन्दुक २ थान र छर्रा बारुद बरामद गरिएको इलाका प्रहरी कार्यालय गोलबजारले जनायो। उनीहरुको बारेमा थप अनुसन्धान भइरहेको छ ।