काठमाडौं । अर्थमन्त्री युवराज खतिवडाले विद्युतीय सवारी साधन आयातमा बढाइएको कर छुट नहुने बताएका छन् ।
संसदमा सत्तापक्ष र प्रतिपक्षका सांसदहरुले कर छुट हुनुपर्ने माग गरिरहेका बेला अर्थमन्त्री डा. खतिवडाले भने कर छुट नहुने दोहोर्याएका हुन् ।
विद्युतीय सवारीको प्रयोग बढ्दा विद्युतको खपत बढे पनि विदेशी मुद्रा अस्वाभाविक खर्च हुनबाट जोगाउन कर बढाउनु परेको उनको तर्क थियो ।
सांसदहरूले बजेटमा राखेको विद्युतीय सवारी साधनको आयातमा कर बढाउने प्रस्ताव फिर्ता लिन माग गरेका थिए ।
मन्त्री खतिवडाले कर बढाउँदा पनि विद्युतीय सवारी साधनको भन्सार महसुल अन्य सवारी साधनको भन्दा ५० प्रतिशतले कम रहेको बताए ।
यद्यपी सार्वजनिक यातायातमा विद्युतीय सवारी साधनलाई प्रश्रय दिने सकारको नीति रहेको जानकारी गराए ।
Leave a Reply